Glæsilegt! Aggresíft snobb!

Sjáum nú til, hvað eru mörg heimtufrek snobbmerki í þessari frétt.

"Okkur datt ekki annað í hug en að hún  kæmist inn". Lesist: Þetta er dóttir okkar, skítt með restina og hvernig þeir stóðu sig.

"Dóttir mín hringdi í mig alveg miður sín". Ojæja, fékk hún neitun um eitthvað. Sennilega ekki vön því. Lífið byrjar í dag vina mín, það snýst ekki alheimurinn í kringum þig, þótt að hann hafi gert það í verndaðri fjölskyldunni.

"Dóttir mín var með 9 í stærðfræði og 8,5 í íslensku." Það er reyndar mjög gott, hrós fyrir það. Samt sem áður hefur mér sýnst, bæði í töluðu og rituðu máli að einkunnir hafa ósköp lítið að segja um hvernig svo málinu er beitt þegar út í lífið kemur. Þeir eru margir háskólamenntaðir mennirnir sem að eru gersamlega ótalandi og skrifandi á Íslenska tungu. En eflaust er hún mjög fær, blessuð daman.

" Ég er ekki sátt við að barnið mitt, sem er með svona góðar einkunnir, komist bara inn í einhvern menntaskóla." Glæsilegt, 3 flugur í einu höggi, eða öllu heldur setningu. "Ég er ekki sátt við", "barnið mitt", "einhvern menntaskóla". Smá egóflipp og snobb í gangi þarna, er það nokkuð?

"Ég veit til þess að margir foreldrar eru bálreiðir."  Nefndu einn.

"það eru óeðlilega háar einkunnir upp úr grunnskólunum nú". Svona eins og 9 og 8,5?

Hún kveðst hafa hringt í námsráðgjafa í öllum menntaskólunum sem dóttirin sótti um pláss í. Já í Guðs almáttugsbænum ekki láta stúlkukindina gera nokkuð sjálfa. Hún gæti slasað sig, eða það sem verra er, komið í veg fyrir að hún kæmist nokkurntímann inn. 
Á skrifstofu rektors:
Rektor: Og hvað hafðirðu hugsað þér sem aðalfag?
Umsækjandi: Bíddu, ég þarf að hringja í mömmu.

"Ég hringdi líka í menntamálaráðuneytið til þess að spyrja hvað væri í gangi. Starfsmaður þess kvaðst strax hafa séð galla á kerfinu þegar hann kom til starfa.“ Flott að fá svona menn í vinnu. Ég myndi gefa mikið til að geta ráðið mann sem að sæi alla galla daginn sem hann byrjar. Af hverju í ósköpunum er hann ekki að vinna uppi í Fjármálaráðuneyti? En af sama meiði, hvaða gallar eru þetta annars sem að maðurinn kveðst hafa séð?

„Ég tel að mörg börn hefðu þurft áfallahjálp. Þau taka svona höfnun eftir höfnun mjög persónulega,“ segir móðirin. Jahérnahér. Ég segi ekki meira. Ef að svona er komið fyrir þjóðinni að hún þurfi áfallahjálp þegar hún fær einhverja höfnun í andlitið, þá eru ekki miklar líkur á að hún nái sér útúr þeirri Icesave og bankaklemmu sem hún er í. Algerlega þess fyrir utan þá ætti þessi - afsakið orðbragðið - kelling að skammast sín fyrir að nota orðið áfallahjálp um svona bölvaða vitleysu. Þarna er virkilega troðið á þeim sem hafa lent í alvöru erfiðleikum og þurfa á áfallahjálp að halda.

Guð hjálpi Íslandi, ekki eru margir Íslendingar færir um það greinilega.

 

Foreldrar bálreiðir

Úrelt fánalög.

Halldór Jónsson skrifar stórgóða grein um þessi fornaldar fánalög sem eru í gildi á Ísafoldinni góðu. 

Fyrir þá sem ekki vita þá bý ég í Bandaríkjunum og flagga Íslenska fánanum allan sólarhringinn og er stoltur af, þrátt fyrir skot samstarfsmanna sem vita vel hvernig komið er fyrir Íslandi (skotin eru reyndar í góðu. Maður finnur fyrir samkennd og samúð hjá fólki).

Það sem menn verða að passa sig á er að helst hafa Bandaríska fánann uppi líka þegar menn flagga sínum eigin þjóðfána. Mér finnst það vera mjög skiljanlegt. Íslendingar hafa lengi sagt að ef menn vilja flytja til Íslands og verða Íslenskir borgarar þá verði þeir að beygja sig undir þær reglur sem hér gilda. Eitthvert veitingahúsið flaggaði eitt sinn Thailenska fánanum og nöldruðu menn yfir því að ekki skyldi Íslenska fánanum flaggað til jafns, þetta fólk væri nú einusinni á Íslandi en ekki í Thailandi. Auðvitað á það sama að gilda fyrir Íslendinga erlendis.

Fánalögin eru barn síns tíma. Þessar fáránlegu reglur um að ekki megi skarta svo mikið sem fánalitunum er einhver sú almesta della sem að um getur í þessum annars fáránlegu lögum. Ber skemmst að minnast þegar Stuðmenn (held ég) seldu boli með skjaldarmerkinu. Nokkrir skraufþurrir embættismenn trufluðust í sínum fílabeinsturni og var gripurinn góði að endingu tekinn af markaðnum. Sá bolur var markaðssettur vegna þess að Stuðmenn voru að spila í Danmörku og vildi þeir með þessu sýna stolt sitt yfir því að vera Íslendingar. Onei. Embættismennirnir (og embættismanna wannabees) settust beint á gamla góða kústskaftið og náðu ekki upp í nef sér af hneykslan. Ég held að þetta ágætisfólk sem að fer hamförum þegar fánanum er flaggað utan opinbert viðurkenndra tímabila og kjötpakkin í Hagkaup er með rauða, hvíta og bláa rönd ætti að snúa sér að því að lesa Einar Ben og láta okkur hin hérna í raunveruleikanum í friði.

Það er alltaf verið að tala um landkynningu, kynna kosti lands og þjóðar til að fá inn fleiri ferðamenn. Á sama tíma gera þessi sömu stjórnvöld (sama hvaða flokkur er við völd) allt sem í þeirra valdi stendur til að stemma stigu við áframhaldandi vexti ferðamannaiðnaðarins. Skattahækkanir, álögur og sífellt aukin nýting á hálendinu taka sinn toll. Nú, öðrum tímum frekar finnst mér vera nauðsynlegt að menn sýni samhug og flaggi öllu því sem Íslenskt er. Það verður að hafa í huga að 99% fólks í þessum löndum sem að Ísland er að slást við varðandi þessa IceSave samninga, stendur alveg hjartanlega á sama um allt þetta bull. Það fólk hefur bara sínar gömlu (og nýju reyndar) áhyggjur, hef ég vinnu á morgun, get ég fætt og klætt fjölskylduna? Ef einhverjir lögðu tugi- og hundruði þúsunda Evra inn á einhverja dularfulla reikninga þá er það bara þeirra vandamál.

Auglýsum skerið, notum fánann og litina.

Góður...

Stundum hefur manni flogið í hug af hverju í ósköpunum svona sé ekki gert. Nú er allt komið í þrot hjá þessum ágæta manni og ég tek ofan fyrir honum fyrir að hafa látið verða af þessu. Þetta er því skammgóður vermir því bankinn mun fá peningana sína á einn veg eða annan og mannræfillinn, þó hann lýsi sig gjaldþrota, mun greiða af þessu uppátæki sínu það sem eftir er. En lítum á björtu hliðarnar. Þarna er þó laus lóð. Með olíu í jörðu.

Eyðilagði íbúðarhúsið

Chuck Norris brandarar...

 

If you spell Chuck Norris in a game of scrabble you win...FOREVER
Chuck Norris CAN judge a book by its cover

Chuck Norris invented black, in fact he invented every colour, EXCEPT pink...Tom Cruise invented Pink
Chuck norris puts the laughter in manslaughter

Chuck norris crossed the road, nobody dared ask why

Chuck norris doesn't get brain freeze, slurpies know when to back the **** off

Chuck Norris sleeps with a pillow under his gun.

The Bible was originally titled "Chuck Norris and Friends"

Chuck Norris once kicked a horse in the chin. Its decendants are known today as Giraffes.

Chuck Norris once went skydiving, but promised never to do it again. One Grand Canyon is enough

When the Boogeyman goes to sleep every night he checks his closet for Chuck Norris.

Trains stop at a Chuck Norris crossing.

The fences at the zoo are to keep the animals safe from Chuck Norris.

chuck norris is the reason why waldo is hiding

There is no theory of evolution. Just a list of creatures Chuck Norris has allowed to live.

There is no chin behind Chuck Norris¦ beard. There is only another fist.

chuck noirris once went to the virgin islands now its just called the islands

Chuck Norris counted to infinity. Twice.

Chuck norris can divide by zero

Chuck Norris CAN lick his elbow.

P is for Chuck Norris, as is every other letter of the alphabet.

Chuck Norris puts the FUN in Funeral.

Chuck Norris' paradise is war.

Chuck Norris' tears cure cancer, too bad he has never cried.

Chuck Norris has two speeds. Walk, and Kill.

Chuck Norris can chug a gallon of milk and not throw up.

Chuck Norris beat the Sun in a staring contest.

If you get roundhouse kicked in the face by Chuck Norris in your dream, you DIE!

Chuck Norris can have his cake AND eat it too.

Chuck Norris was born in a log cabin that he built with his bare hands.

When Chuck Norris wants popcorn, he breathes on Nebraska

There are no disabled people. Only people who have met Chuck Norris

Chuck Norris is currently suing NBC, claiming Law and Order are trademarked names for his left and right legs

The world's fastest car has 7 gears. 5, 6, and Chuck Norris

If Chuck Norris ever fell in a lake, Chuck Norris wouldn't be wet, the lake would get Chuck Norris on it

Mikill er máttur Chuck Norris

Sagan endurtekur sig...

Snillingarnir í Baggalút hafa löngum hitt akkúrat á réttu punktana. Er ekki nákvæmlega þetta framundan? Ég held það.

 

Til hamingju

Þetta er glæsilegt skip. Það á eftir að sóma sér vel bundið við bryggju því Gæslan fær ekki fjármuni til að reka skipin sem þeir eru með, hvað þá nýtt skip.

Vonandi vakna þessir svokölluðu ráðamenn okkar upp og fatta að það þarf að halda þessum skipum úti, þau gegna ekki hlutverki sínu bundin við bryggju. Mannslíf bjargast ekki á þann mátann.

Glæsilegur Þór sjósettur

Vitleysingur

Paranojan og siðblindan eru alveg hreint ótrúleg hjá þessu manngerpi. Nú veit ég ekki hvort það hefur verið unnið skipulega gegn honum, ekki kæmi mér það á óvart en hitt veit ég að þegar ég hef kosið Sjallana (dálítið síðan síðast) þá strikaði ég nafn Árna út alveg á mínum eigin forsendum. Mér þótti sem Sjálfstæðisflokkurinn væri að gera góða hluti og en sá rautt þegar ég sá nafn Árna. Til að gera mannfýlunni jafnhátt undir höfði og öðrum, þá á hann heiður skilinn fyrir það sem að hann hefur áorkað í gegnum tíðina fyrir kjördæmi sitt (sem að hefur reyndar oftast nær samanstaðið af Vestmannaeyjum, ekki suðurlandi). Á hinn bóginn er hann dæmdur glæpamaður og á af þeim sökum ekkert erindi inn á alþingi, uppreisn æru eða ekki.

Hvað sem að aðrir þingmenn gera eða hafa gert af sér er svo annað mál. Ef að dómur hefur fallið í refsimáli gegn þeim þá eiga menn ekkert erindi inn á þing. Alveg það sama átti að ganga yfir þarna þingmanninn sem að komst ekki í setningu alþingis af því hann var að sitja af sér dóm vegna ölvunaraksturs. Ég veit vel að þetta myndi hafa þau áhrif að sumir sem ég myndi mjög gjarnan vilja sjá á þingi kæmust ekki inn en eitt verður yfir alla að ganga.

Ef að menn ætla að fara að banna yfirstrikanir þá finnst mér vera vegið að lýðræði. Þetta er bara enn ein ástæðan fyrir því að leggja á niður þetta flokkakosningakerfi og taka upp einstklingskosningar. Þá eru útstrikanir að sjálfu sér niðurlagðar.

Bittinú.

Árni Johnsen segir skipulega unnið gegn sér

Ég stal þessu...

...alveg óforskammað.

Hmm...

Sjáum til.

Fjármálaráðherra heldur einu fram. Fjármálaráðuneytið (sem að heyrir að ég held undir fjármálaráðherra) mótmælir. Flott að fá svona fréttir, svona rétt í aðdraganda kosninga. Hjálpar mönnum örugglega að draga eigin ályktanir þegar kemur í kjörklefann. Veit maðurinn ekkert hvað gengur á í hans eigin ráðuneyti?

Tilhæfulaust að ríkið taki Icelandair yfir

Flokkarnir og einstaklingskosningar.

Það sem pirrar mig með þessa kosningabaráttu er að það hlaupa allir um eins og hauslausar hænur. Sjallarnir eru brjálaðir yfir öllu nema sjálfum sér, Jóhanna virðist vera að panikka, Steingrímur virðist vera í losti yfir að geta ekki lengur falið sig bakvið 4 tíma ræðurnar sínar, Ögmundur þegir (afrek í sjálfu sér) og svona veltur steinninn áfram. Það sem gerir mig hinsvegar alveg frávita af reiði er framkoma VG liða í búsáhaldabyltingunni. Að rífa kjaft inni á þingi og fara svo út og hvetja, hvetja fólk til að grýta þinghúsið og lögregluna á að vera refsivert. Stelputuðran þarna, hvaðhúnnúheitir er enganvegin fær um að vera ráðherra. Og til að toppa þetta fékk Kolbiluð Halldórsdóttir stól. Sá "stjórnmálamaður" - fyrir utan Steingrím - sem ég hef nákvæmlega ekkert álit á.

Eins og ég hef margoft komið inná í mörgum pistlum þá er þetta flokkafyrirkomulag svo steinaldarlegt að það nær ekki nokkurri átt. Það eru einstaklingar innan allra flokka sem ég myndi glaður vilja kjósa, meira að segja nokkrir í VG og einn í B en þeir fá ekki mitt atkvæði því fyrr naga ég af mér eyrun heldur en að kjósa B, V eða S. Og ekki koma mér af stað með sveitastjórnarkosningarnar. Ef að það væri lögbundið að kjósa V, B eða S þá færi ég frekar í fangelsi, svo einfalt er það. D kýs ég ekki aftur í bráð í neinum kosningum.

Og hvað er þá eftir? Óánægjuframboð, klárt og einfalt. Vissulega er það gott í sjálfu sér en það leysir ekki vandann finnst mér. Ástþór kallinn.... hann má reyndar eiga að hann fær ágætis hugmyndir, kann að hugsa utan kassans eins og kallað er, en jeminn eini, ég myndi ekki vilja fá hann inn á stofugólf hjá mér, hvað þá á alþingi. Allavega ekki fyrr en hann lofar að taka lyfin sín. Borgarahreyfingin. Ég þekki ekki marga á þeim lista og það er ágætt í sjálfu sér. En verra er að ég fæ ekki nokkurn botn hvað þeir ætla að gera eða hvernig. Reyndar er það sammerkt með öllum flokkunum.

Tími endurnýjunar er kominn, það fer ekki framhjá neinum. En á meðan ungliðar eru aldir upp eftir flokkslínunni, hver sem hún er þá er ekki hægt að ætlast til að menn sýni sjálfstæða hugsun. Svo merkilegt sem það er þá hefur manni sýnst sem það séu VG og Sjallarnir sem eru með hálfgerða trúarbragðastefnu. Það sem flokkurinn segir er Orðið og vei þeim sem mótmæla. Samfylkingaungliðar eru alveg hjartanlega sammála um það að vera ósammála yfir öllum mögulegum og ómögulegum hlutum nema það að Jóhanna er hinn nýi Messías. B ungliðar láta fara lítið fyrir sér og virðist nú stefna í að þeir verði frekar Rotary klúbbur en stjórnmálasamtök. Þegar maður sér eða heyrir eitthvað jarm (ha ha) frá B þá er eins og þeir hálf skammist sín fyrir að opna ginið. Skil þá vel.

Margir hafa haldið því fram að ég sé á móti stjórnmálaflokkum. Því fer fjarri. Menn geta verið í hverjum þeim stjórnmálasamtökum sem þeim dettur í hug, flokksbundnir í allar áttir en það kemur ekki kosningunum við. Ef einstaklingur er kosinn á þing í einstaklingskosningum getur hann bundið trúss sitt við hvern þann þingflokk sem er stofnaður þegar á þing er komið. Ef Jón, Palli og Siggi eru í B geta þeir stofnað þingflokk B liða. Þeir verða þá bara að standa skil á því hvaða verk áunnust í nafni hans þegar kemur að næstu kosningum. Ef mönnum finnst þá sem að Jón og Palli hafi komið meiru í verk en Siggi þá sleppa menn því bara að kjósa Sigga en kjósa hina.

Jæja, ég nenni ekki meiru í bili. Varð bara að fá smá útrás.

Sjálfstæðisflokkur tapar miklu