Tengihraði til og frá ......

Ég var að reyna að hlaða inn myndbandi hérna af flugi frá því í janúar þegar við yfirgáfum Akutan með Grumman flugbátnum. Hinsvegar er hraðinn á netinu með slíkum ágætum að það myndi sennilega vera talsvert fljótlegra að brenna það á disk og senda það með bréfdúfu til einhvers sem hefði skárri tengingu.

Allt netsamband hérna fer í gegn um gerfihnött og reyndar er ég að fatta að afritataka á sér stað akkúrat núna og því er bandvíddin öll undirlögð af því. Afritin eru nefnilega send yfir til Seattle á hverri nóttu.

Það hefur fátt markvert gerst hjá mér þennan daginn. Ég er búinn að vera í algeru nördakasti, húki boginn yfir lappanum og reyni að finna útúr því hvort að bilunin sé svona erfið eða ég svona vitlaus. Nema náttúrulega ég sé bilaður. Sitt sýnist hverjum.

Athugasemdir

[Róbert Björnsson, 6.6.2008 kl. 17:51]

Hlakka til að sjá vídeóið úr Gæsinni...öfunda þig ekkert smá að hafa komist í flug á svona legend!

[Heimir Tómasson, 6.6.2008 kl. 21:27]

Það er eitt af þessu skemmtilega við þetta djobb, maður þvælist með allrahanda furðulegustu farkostum. Ég flýg að jafnaði 4-6 sinnum á ári með þessari. Það er bara gaman að sitja frammí, "ride shotgun", kúlugluggar og alles.